СЕГОДНЯ 8 СЕНТЯБРЯ ТРИ ПРАЗДНИКА :
СРЕТЕНИЕ ВЛАДИМИРСКОЙ ИКОНЫ БОЖЬЕЙ МАТЕРИ,
ПСКОВО - ПЕЧЕРСКОЙ ИКОНЫ БОЖЬЕЙ МАТЕРИ "УМИЛЕНИЕ"
МУЧЕНИКОВ АНДРИАНА И НАТАЛИИ.
МОЛИТЕСЬ СВОИМ СВЯТЫМ ПОКРОВИТЕЛЯМ. МОЛИТЕСЬ БОЖЬЕЙ МАТЕРИ. В ВЕРЕ НАШЕ СПАСЕНИЕ.
БЫЛО ЭТО ОЧЕНЬ ДАВНО,ВО ВРЕМЕНА СВЯТОГО СЕМЕЙСТВА
Владимирская икона Богоматери, по преданию, написана евангелистом Лукою на доске из того стола, за которым трапезовало Святое Семейство: Спаситель, Богородица и праведный Иосиф Обручник. Божия Матерь, увидев этот образ, произнесла: «Отныне ублажат Меня все роды. Благодать Рождшегося от Меня и Моя с этой иконой да будет».
В Россию икона принесена из Византии в начале XII века, как подарок Юрию Долгорукому от Константинопольского Патриарха Луки Хризоверхта. Икону поставили в женском монастыре Вышгорода, недалеко от Киева, слух о ее чудотворениях дошел до сына Юрия Долгорукого князя Андрея Боголюбского, который и решил перевезти икону на север.
Проезжая Владимир суздальский, лошади, везшие чудотворную икону, встали и не могли двинуться с места. Замена лошадей новыми также не помогла. Князь увидел в этом желание Божией Матери остаться во Владимире, где за два года и был сооружен храм Успения Богородицы.
Празднование Владимирской иконе Пресвятой Богородицы бывает несколько раз в году (3 июня, 6 июля, 8 сентября). Наиболее торжественное празднование совершается 8 сентября (по новому стилю), установленное в честь сретения Владимирской иконы при перенесении ее из Владимира в Москву.
,,К кому возопием, Владычице? К кому прибегнем в горести нашей, аще не к Тебе, Царице небесная? Кто плач наш и воздыхание приимет, аще не Ты, пренепорочная, надеждо христиан и прибежище нам, грешным? Кто паче Тебе в милости? Приклони ухо Твое к нам, Владычице, Мати Бога нашего, и не презри требующих Твоея помощи: услыши стенание наше, подкрепи нас, грешных, вразуми и научи, Царице Небесная, и не отступи от нас, раб Твоих, Владычице, за роптание наше, но буди нам Мати и Заступница, и вручи нас милостивому покрову Сына Твоего: устрой о нас, како угодно будет святей Твоей воли, и приведи нас, грешных, к тихой и безмятежней жизни, да плачемся о гресех наших, да возрадуемся же с Тобою всегда, ныне и присно и во веки. Аминь."
Тропарь Божией Матери пред иконой Ее Владимирская.
глас 4
Днесь светло красуется славнейший град Москва,/ яко зарю солнечную, восприемши, Владычице,/ чудотворную Твою икону,/ к нейже ныне мы притекающе и молящеся Тебе, взываем сице:/ о пречудная Владычице Богородице!/ Молися из Тебе воплощенному Христу Богу нашему,/ да избавит град сей и вся грады и страны христианския/ невредимы от всех навет вражиих// и спасет души наша, яко Милосерд.
ПСКОВО - ПЕЧЕРСКАЯ ИКОНА БОЖЬЕЙ МАТЕРИ "УМИЛЕНИЕ"
Икона эта называется иногда еще Владимирской, так как является списком с известной чудотворной иконы Божией Матери "Владимирской", которая была привезена из Киева во Владимир князем Андреем Боголюбским. 8 сентября Православная Церковь совершает празднование чудотворной Псково-Печерской иконе Божией Матери «Умиление».
Список с Владимирской иконы был сделан в 1521 году благочестивым иноком Арсением Хитрошем. В Псково-Печерский монастырь он был принесен купцами. С тех пор чудотворная икона не раз являла свою милость и чудодейственную помощь православному русскому народу. В 1524 году в Пскове и окрестных землях появились сообщения о чудесных исцелениях. По молитвам перед этой иконой не раз получали исцеление и слепцы.
В 1581 году, при царе Феодоре Иоанновиче, городу Пскову угрожали войска польского короля Стефана Батория. Из Псково-Печерского монастыря в город были отправлены чудотворные иконы Божией Матери «Успение» и «Умиление». Неприятель за пять месяцев осады тридцать раз штурмовал Псковский кремль, но города так и не взял. В благодарность о заступничестве чудотворную икону «Умиление» украсили жемчугом, алмазами, изумрудами, яхонтами и аметистами. С 1601 года в память об этом событии каждый год в седьмую Неделю (воскресенье) по Пасхе икону носили крестным ходом из Псково-Печерского монастыря в Псков. Крестные ходы совершались вплоть до 1918 года. В 1997 году эта традиция была возобновлена, только теперь икону носят внутри обители — из Успенского собора в Михайловский храм и обратно. Чудотворная Псково-Печерская икона Пресвятой Богородицы и поныне находится в Свято-Успенском Печерском монастыре (г. Печоры Псковской области).
Акафист Пресвятей Богородице в честь иконой Ея «Умиление» Псково-Печерския.
Кондак 1
Избранней Заступнице рода христианского, покрывающей и спасающей люди правоверныя, иноком благоскорбящим подательнице вечнаго радования, благодарственныя от души восклицаем пения. Ты же, яко нарекшаяся Умиление, призри на ны милостивно и умиление нам даруй, да со дерзновением воспеваем Ти радостно:
Радуйся, всеблагая Владычице, умиление и спасение наше.
Ангели и Архангели и множество сил небесных немолчно восхваляют Тя, Царицу всех и Владычицу. Ты же сподобила еси и нас бренными устнами воспевати дарованную Тобою радость в явлении чудныя Твоея иконы с предвечным Младенцем. Сего ради приими от нас похвалы сия:
Радуйся, Архангели певаемая; радуйся, Ангели славословимая. Радуйся, небесными силами возносимая и окружаемая; радуйся, слава преподобных и мученик. Радуйся, верных чад Церкви несумненное радование; радуйся, иноком в подвизех поспешествующая и наставляющая. Радуйся, Умилением нарекшаяся; радуйся, умиление просящим дарующая. Радуйся, единая надеждо наша; радуйся, отрадо в смертный час. Радуйся, непрестанно Сына Твоего умоляющая; радуйся, всеблагая Владычице, умиление и спасение наше.
Кондак 2
Видяще небожители Тя, всеблагую Матерь, непрестанно молящуюся пред престолом Божиим за человеческий род, прославиша Господа, даровавшаго таковую заступницу верным, хвалебною песнию: Аллилуия.
Разум даровася верным, чудотворный лик Твой зрящим и чудеса Тобою изливающияся, слагати песни и пения ко прославлению имене Твоего честнаго, Всеблагословенная. Ты же милостивно приими от нас похвалы сия:
Радуйся, чудо чудес Православия; радуйся, возводящая нас на небо. Радуйся, Милостивая, нас милующая; радуйся, Своим омофором от зла покрывающая. Радуйся, яко Господь с Тобою и Тобою с нами; радуйся, вся воздыхания наша милостивно приемлющая. Радуйся, в час скорби единая наша отрадо; радуйся, грешных усердная споручнице. Радуйся, кающихся твердый столпе; радуйся, о падших слезы проливающая. Радуйся, защищающая сирых и вдовиц; радуйся, всеблагая Владычице, умиление и спасение наше.
Кондак 3
Сила Господня осени Тя и подвиже на помощь и заступление всем, к чудотворней иконе Твоей прибегающим и поклоняющимся ей. Видяще сие, людие с трепетом припадающе Ти и песнопояху Бога песнию: Аллилуия.
Имущи древняя обитель Псково-Печерская Твой образ святый, преблагословенная Богородице Дево, токи чудес источающий и обитель ограждающий от всякаго зла, исполнишася велия радости и утешения. Се бо Матерь Света крылома Своея Материнския любве ограждает ны, вопиющих умильно:
Радуйся, радосте наша пресветлая; радуйся, ликование верных сердец. Радуйся, свет нам возсиявшая; радуйся, милостию Твоею обитель Твою посетившая. Радуйся, в залог любве икону Твою ей даровавшая; радуйся, тою иконою точатся исцеления. Радуйся, обитель Свою охраняющая; радуйся, живущим в ней присная помощнице. Радуйся, иноков Мати чадолюбивая: Радуйся, обетов иноческих страж неусыпный. Радуйся, радость всему миру носящая; радуйся, всеблагая Владычице, умиление и спасение наше.
Кондак 4
Бурею злочестивых нашествий одержимии, благовернии людие града Пскова, Тя чтуще и цельбоносную Твою икону Умиление приемши, воздвигша ту на стены града противу воев Баториевых. Ты же, чудо деюще, защитила град от смертоносных стрел вражиих, и подвиже верных пети благодарне Рожденному Тобою Богу: Аллилуия.
Слышаша жителие града Пскова и всея страны Российския величие чудес Твоих, како явила еси их во испытании бывшим от воев зверонравных, прославиша Тя, великую заступницу страждущих, пении сими:
Радуйся, скорби наша на радость претворяющая; радуйся, прибегающим к Тебе скоро помогающая. Радуйся, града Пскова ограждение; радуйся, злую дерзость воев поправшая. Радуйся, стены града охранявшая; радуйся, от смертоносных стрел врага покрывшая. Радуйся, теми люди Твоя возвеселившая; радуйся, надеждою православных снабдевшая. Радуйся, крепосте наша и защищение; радуйся, благоуханная цевнице Небеснаго Царя. Радуйся, кроткая горлице мира; радуйся, всеблагая Владычице, умиление и спасение наше.
Кондак 5
Боготечную звезду, честную икону Твою, показала еси обители и веси Печерстей, Владычице мира! К нейже, вернии, зряще и любовию ю лобызающе, взываем: буди нам щит и ограждение, да вопием Богу: Аллилуия.
Видеша ближнии и дальнии, како Твой образ святый Умиление точит исцеления всем немоществующим, прибегоша к Тебе в скорбех и болезнех, и никтоже от Тебе тощь и неутешен отъиде, и бысть во отраду Твой образ святый. Сего ради вернии благодарне зовут:
Радуйся, немощей наших отгнание; радуйся, смертоносных язв исцеление. Радуйся, в бедах скорая утешительнице; радуйся, бесов прогонительнице. Радуйся, града Печер украшение; радуйся, обители Печерския стено и ограждение. Радуйся, иноков Небесная Игумение; радуйся, о добродетельном житии промыслительно пекущаяся. Радуйся, в напастех стено нерушимая; радуйся, отчаянных грешников пристане. Радуйся, недоумевающих разуме; радуйся, всеблагая Владычице, умиление и спасение наше.
Кондак 6
Проповедницы быта чудеса от святыя иконы Твоея, Владычице, ибо слепии прозирают, болящии исцеления получают, вернии людие во множестве во обитель стекахуся, чающе получити милости Твоя, всеблагая Царице небесе, лики своя со иноческими гласы совокупляху и в веселии зваху: Аллилуия.
Возсиявши благодать божественная чрез икону Твою чудотворную, Владычице, верою и любовию Тя Матерь Божию исповедующим, в нейже приемлюще и душевных недуг врачевание и к Царствию Небесному приобщение, смиренно возгласиша Ти сице:
Радуйся, не тела токмо, но и души спасительнице; радуйся, слезы чад Своих отирающая. Радуйся, силу любве нам являющая; радуйся, безприютных вечный чертоже. Радуйся, бездны греховныя бане; радуйся, чаше, омывающая совесть. Радуйся, веры лучезарное сокровище; радуйся, надежды на спасение каменю. Радуйся, адаманте Христовой любве; радуйся, скорбящим подательнице вечнаго радования. Радуйся, покрове чистоты и девства; радуйся, всеблагая Владычице, умиление и спасение наше.
Кондак 7
Хотяще оставити мир сей растленный, на святей горе боголюбезнии старцы преподобнии Марк и Иона подвизашася и обитель Святыя и Пречистыя Девы создаша, преподобный же игумен Корнилий образ Владычицы ту водвори, да вернии надежную помощницу имут и взывают согласно: Аллилуия.
Новую и преславную Твою икону Умиление видяще, на ограждение обители Псково-Печерския предпосланную, и радующеся вельми, боголюбивии иноцы и вернии людие возопиша прилежне:
Радуйся, слово пророков прекрасное; радуйся, благодатное небо. Радуйся, в скудости пище обильная; радуйся, духовною радостию всех питающая. Радуйся, в подвиге поста помощнице; радуйся, печали всякия утоляющая. Радуйся, злобныя сердца умягчающая; радуйся, наша пред Сыном споручнице. Радуйся, с Богом принесшая мир; радуйся, тайны от века явление. Радуйся, цвете благоуханный девства; радуйся, всеблагая Владычице, умиление и спасение наше.
Кондак 8
Странное и преславное чудо бысть Твой лик, Преблагословенная, верным с иконы сияющий. Еще бо преподобный Корнилий пред образом Твоим моляшеся, да оградиши верных чад обители от всякаго зла, нас же научиши воспевати всеблагому Богу, даровавшему нам Тебе, Матерь Свою: Аллилуия.
Весь бе грехми отягчен и отчаян в своем житии кающийся грешник, в слезной молитве к Тебе прибеже, прося, да испросиши пред Сыном Твоим и Богом прощение грехов его, и восклицаше званьми сими:
Радуйся, кающихся грешников утешение; радуйся, и грехов прощение. Радуйся, всяку слезу отъемлющая; радуйся, солнце, согревающее люди. Радуйся, отрадо, даруемая верным; радуйся, христиан небесная Мати. Радуйся, нераскаянных грешников исправление; радуйся, благоухание Небеснаго Царя. Радуйся, молитве нас научающая; радуйся, помоще в бедах обильная. Радуйся, страх нощный прогоняющая; радуйся, всеблагая Владычице, умиление и спасение наше.
Кондак 9
Всяких сил ангельских превысшую Деву, немолчно Тя хвалят наша сердца, Тя истинно чистейшую светлостей солнечных непрестанно величают. Ты же ходатаица о нас буди в день Страшнаго Суда к Сыну Твоему и Богу, воспомяни тогда грешных моления и сподоби пети Богу: Аллилуия.
Витий многогласных язык не возможет воспети достойно Твой сладостный дик, о Дево и Мати Владычице. Чудных Твоих даров и неизреченных красот умножение сердца исполняет умиления и дарует очесем источники слез, и подвизает вопити в сокрушении:
Радуйся, сердец росо умиления; радуйся, надеждо всех безнадежных. Радуйся, всех правды лишенных прибежище; радуйся, демонов злых прогонительнице. Радуйся, яко грозно бесам запрещаеши; радуйся, унылых духом востание. Радуйся, яко вся возможна Тебе; радуйся, стропотных душ вразумление. Радуйся, палице спящим сном греховным; радуйся, сладость всем, в горьких работах сущим. Радуйся, всех скорбящих радосте; радуйся, всеблагая Владычице, умиление и спасение наше.
Кондак 10
Спасти хотя верныя люди, явилася еси о них предстательница пред Богом на стогнах града Пскова, милость Свою явльши, икону Твою чудотворную предпоставивши изряднее воем Баториевым. Людие же, чудо видяще, велиим гласом пеша Тебе: «Царице моя преблагая!» и восклицаху Богу: Аллилуия.
Стена еси иноком, Пречистая Дево, от вражиих козней, от бед, скорбей и напастей, Тебе бо вручиша нас преподобнии Марк, Иона и Корнилий, бысть же ходатаица и праведная Васса. Сего ради смятенный наш дух возносим в смиренной мольбе, взывающе:
Радуйся, верных Твоих утверждение; радуйся, чад Своих любящая. Радуйся, граде Царя, всеми прославляемый; радуйся, Церкве Святыя похвало и радование. Радуйся, горних умов ликование; радуйся, неверных ко Христу приводящая. Радуйся, заступница наша усердная: Радуйся, спасающая сущих в бедах. Радуйся, нечестивых воев попрание; радуйся, добродетельми украшенная. Радуйся, иноков ликование обильное; радуйся, всеблагая Владычице, умиление и спасение наше.
Кондак 11
Пение хвалебное приносяще Ти, Всепетая, неудобства всякаго избавляемся, образ же Твой честный усердно целующе, молим Тя: даруй нам веру несумненную, братолюбие и мир душам нашим ниспосли, да в мире и тишине вопием: Аллилуия.
Светоприемная свеща была еси, Пречистая Дево, светом небесным озаряющи наш путь, и далече отступи от нас всякая неправда и беззаконие. Сего ради благодарственно вопием Ти:
Радуйся, свете немеркнущий жития нашего; радуйся, лествице, возводящая к небесам. Радуйся, облаче всесветлый; радуйся, скиние Небеснаго Царя. Радуйся, рождшая Зиждителя вселенной; радуйся, Тя бо блажат вси роди. Радуйся, воспеваемая Херувимы и Серафимы; радуйся, дождю, орошающий благочестивыя души. Радуйся, кладезю любви и милосердия; радуйся, грозная отмстительнице клянущихся всуе. Радуйся, от клеветы нас избавляющая; радуйся, всеблагая Владычице, умиление и спасение наше.
Кондак 12
Благодать Ти дана от Господа Своим святым покровом покрывати Церковь Православную от неверия, ересей и раскола. А чад же верных Церкве миром ограждати и вразумляти на добродетели, да непрестанно славят Бога песнию: Аллилуия.
Поюще Тя, Дева всепетая, и чтуще чудотворную икону Твою Умиление, во обители Псково-Печерстей сущую, радуемся по долгу ведяще Тя, заступницу и помощницу усердную всем, хотящим жати спасение и воспевати на всяк день:
Радуйся, Мати, Тебе мое моление; радуйся, крине удолия рая. Радуйся, райския пищи приемнице; радуйся, сею пищею и нас питающая. Радуйся, иноком благоскорбящим подательнице вечныя радости; радуйся, праведных жен украшение. Радуйся, краю благих желаний; радуйся, мученик всех дерзновение. Радуйся, Церкве хоругвь пречестная; радуйся, жития сокровище вечное. Радуйся, свещниче веры златый; радуйся, всеблагая Владычице, умиление и спасение наше.
Кондак 13
О Всепетая Мати, Царице небесе и земли, иноков благая вратарнице, верных покров и умиление! Нынешнее приемши пение, от всякаго избави ны злаго обстояния и не лиши ны радости Царства Небеснаго, да вопием прилежно: Аллилуия.
(Этот кондак читается трижды, затем икос 1 и кондак 1)
О Преблагословенная Дево Богородице Владычице, Мати всех страждущих и болезнующих сердцем, страны нашея и града Защитнице, Обители Псково-Печерския красото и славо! Призри на нас смиренных, обремененных грехи многими, отягченных скорбьми и печалями, и с сокрушением и слезами взирающих на пречистый лик Твой, в чудотворней иконе явленный. Сохрани от всякаго зла святую обитель сию, юже преподобный Корнилий со старцы Марком и Ионою Тебе вручи и всех в вере и надежде подвизающихся в ней. Спаси и град сей, и вся люди, правоверно живущия и к Тебе прибегающия, от нашествия иноплеменных, от всякаго страха и труса, от мора и глада, от злых человек и всяческия скорби. Приникни к нам милосердием Твоим, яко ликом Твоим Божественным любезно приникла еси к ланите Богомладенца. Согрей нас дыханием Твоея любве и никогдаже отступай от нас, ни в сей жизни, ни в будущей, да, чающе Твою всесильную Материнскую помощь, сподобимся безбедно дойти вечныя жизни и прославлять Небеснаго Отца и Сына и Святаго Духа, в Троице славимаго Бога, во веки веков. Аминь.
Святые мученики Андриан и Наталия были супругами и жили в начале третьего века, во времена гонений на христиан.
СУПРУГИ АДРИАН и НАТАЛИЯ жили в городе Никомидии в Вифинской области Малой Азии. Адриан был язычником и работал сановником императора Максимиана Галерия (305-311 г.), гонителя христиан. Наталия была тайной христианкой. Во время гонений близ Никомидии в пещере скрывалось 23 верующих. Их поймали, судили, истязали и заставляли принести жертву богам. Потом их повели в судебную палату, чтобы записать их имена. Здесь находился начальник палаты Адриан, который спросил их, какую награду ожидают они от своего Бога за мучения. Они ответили ему: "Не видел того глаз, не слышало ухо, и не приходило на сердце человеку, что приготовил Бог любящим Его" (1 Кор. 2:9). Услышав это, Адриан сказал писцам: "Запишите и мое имя вместе с ними, потому что и я — христианин." Адриана посадили в тюрьму. Император советовал ему вычеркнуть свое имя из списка христиан и попросить прощения. Адриан уверил его, что он не обезумел, а поступал так по собственному убеждению. Исполнилось ему тогда 28 лет.
Узнав о случившемся, Наталия поспешила в тюрьму, где ободряла Адриана быть мужественным. Когда заключенных христиан присудили к смертной казни, Адриана отпустили на короткий срок домой, чтобы он сообщил своей жене об этом. Увидев Адриана, Наталия испугалась, что он отрекся от Христа и не впустила его в дом.
Вернувшись в тюрьму, Адриан вместе с другими мучениками был подвергнут страшным истязаниям: мученикам перебивали руки и ноги тяжелым молотом, отчего те в страшных мучениях умирали. Когда очередь дошла до Адриана, жена больше всего боялась, чтобы муж ее не смалодушничал и не отрекся от Христа. Она укрепляла Адриана и придерживала его руки и ноги, пока палач перебивал их молотом. Скончался святой Адриан вместе с остальными мучениками в 304-ом году. Когда их тела начали сжигать, поднялась гроза и печь погасла, нескольких же палачей убила молния.
Тысяченачальник армии хотел жениться на Наталии, которая была еще молода и богата. Еще перед смертью Адриана Наталия просила его молиться, чтобы ее не заставили выйти замуж. Теперь Адриан явился ей во сне и сказал, что вскоре она последует за ним. Так и случилось: Наталия скончалась на гробе своего мужа в предместье города Византии, куда его тело перенесли верующие.
Кондак: Жены богомудрыя божественная словеса в сердце положив, Адриане мучениче Христов, к мучениям усердно устремился еси, с супругою венец прием.
Им молятся о согласии между супругами и счастье в браке.
Тропарь мучеников Адриана и Наталии
глас 4
Мученицы Твои, Господи,/ во страданиих своих венцы прияша нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша.
Всех Наталий поздравляю с днём Ангела!
